Expourense acollerá o primeiro Salón Ecolóxico do Automóbil de Galicia, entre os días 11 e 13 de setembro, coincidindo coa Semana Europea da Mobilidade. Esta actividade está organizada pola Asociación de Condesionarios de Automóbiles de Ourense (Acauto).
No Salón poderán verse vehículos de baixas emisións (os que emiten menos de 120 g/km de CO2), e contará coa participación de 17 concesionarios asociados ofertando 22 marcas, as que agrupan o 97% dos vehículos que se comercializan. “Será o primeiro en Galicia especializado en vehículos eléctricos, híbridos ou impulsados por gas licuado, e a intención é a de divulgar o cambio do modelo enerxético no sector da automoción”, en palabras do presidente de Acauto, Ramón Seijas.
