A Consellería de Sanidade vén de comunicar o falecemento nos últimos días en Galicia de seis persoas que foran diagnosticadas con coronavirus, unha delas na provincia de Ourense. Trátase dun home de 91 anos que falecía o 5 de setembro no Hospital Universitario de Ourense.
Ademais o día 3 de setembro perdía a vida unha muller de 83 anos no Hospital de Fátima en Vigo, o día 4 de setembro un home de 86 anos no Complexo Hospitalario Universitario de Ferrol, o día 5 unha muller de 96 anos no Hospital Virxe da Xunqueira, ademais dun home de 77 anos e dun home de 92 anos ingresados no Complexo Hospitalario Universitario da Coruña.
As seis persoas falecidas presentaban patoloxías previas.
