Dende a Consellería de Sanidade veñen de comunicar o falecemento nos últimos días en Galicia de 8 persoas que foran diagnostiacadas por coronavirus, tres delas na Área Sanitaria de Ourense, Verín e O Barco de Valdeorras. Trátase de dous homes, ámbolos dous de 87 anos, e dunha muller de 94 anos que falecían o 3 de febreiro. Dende a consellería non se detallou en que hospital ou distrito sanitario se rexistraban os falecementos.
Ese mesmo día, falecía unha muller de 78 anos na Área Sanitaria de Santiago de Compostela e Barbanza; un home de 83 anos e unha muller de 94 anos na Área Sanitaria de Lugo, A Mariña e Monforte de Lemos; e un home de 90 anos na Área Sanitaria da Coruña e Cee.
O día anterior, 2 de febreiro, falecía unha muller de 88 anos na Área Sanitaria de Lugo, A Mariña e Monforte de Lemos.
Todas as persoas falecidas presentaban patoloxías previas.