Na tarde deste domingo 10 de decembro producíase un accidente de tráfico no concello do Barco de Valdeorras, no que se vía implicada unha moto.
Os feitos ocorrían pasadas as 17:15 horas cando unha persoa perdía o control da moto que conducía pola estrada de Santigoso, cerca de Viloira, saíndose da vía. O motorista, único ocupante do vehículo, resultaba ferido sendo trasladado en ambulancia ao Hospital Público Valdeorras.
Ademais dos servizos sanitarios do 061, ata o lugar desprazábase o GES Valdeorras, a Policía Local do Barco e a Garda Civil de Tráfico.