Numerosas persoas, algunhas das cales chegaban camiñando de concellos próximos como Manzaneda, Viana do Bolo ou mesmo A Veiga, congregábanse na mañá deste soleado e caluroso Venres Santo no adro do Santuario das Emitas para asistir a un dos actos centrais e máis emotivos da Semana Santa bolesa: o Viacrucis.
Tras a saída das gran cruz en madeira portada polos nazarenos, e dos pasos que tradicionalmente a acompañan (os da Virxe Dolorosa, Verónica, San Xoán e un paso do prendemento de Cristo), ás 11:30h. comezaba o calvario, cuxas catro primeiras estacións están situadas no mesmo adro do santuario.
A partir de aí iniciábase un longo e ladeiro traxecto, denominado o “Camiño do Deserto”, ata chegar á derradeira estación, a da Resurrección (número XV), situada no cemiterio. Rozando xa as dúas da tarde. Durante o traxecto, no que había persoas ofrecidas que camiñaban descalzas, algúns feieis lavaban o rostro nas fontes situadas no traxecto do viacrucis, como é o caso da Dormiñona.
Velando pola seguridade e coordinando o tráfico no entorno do santuario estivaban voluntarios das Agrupación de Protección Civil do Bolo, Manzaneda, O Barco, Petín, A Rúa, Viana do Bolo e de Trives.
Os actos deste Venres Santo nas Ermitas continuarán pola tarde, a partires das catro, coa acción litúrxica, o “Sermón das sete palabras” e o tradicional desencravo. Ás oito está prevista a procesión da Soidade.
Fotos: Carlos G. Hervella/ A.R.
Vídeos: A.R.
