Dentro da liga ourensá de piragüismo, a pasada fin de semana tiña lugar no río Arnoia a XXIV Regata Festa da Empanada de Allariz. Nela participaban 180 deportistas (120 homes e 60 mulleres) de todos os clubes da provincia.
A proba, na que o Fluvial Barco se convertía en subcampión provincial, desenvolvíase no tramo entre a ponte románica e o edificio A Fábrica de Allariz. Numerosas persoas se congregaban nas beiras do Arnoia para seguir de preto a competición cunha distancia de 1.000 m para benxamíns e alevíns, 2.000 para infantís e 4.000 para o resto de categorías, en embarcacións individuais.
Antes da entrega de trofeos gardábase un minuto de silencio polos atentados de Cataluña.
Resultados: Clasificación xeral por clubes:
1º – Fluvial Allariz
2º – Fluvial O Barco
3º – Fluvial Avión-Catamarán Ribeira Sacra
4º – S. Cultural D.X Fontefría (Muiños)
5º – Escola Municipal Orensana de Piragüismo.
Fotos cedidas.
