Numerosas persoas enchían as rúas da vila de Trives na tarde deste 13 de agosto para asistir ao desfile do “Entroido de Verán”, no que participaban ata 7 folións de diferentes puntos do oriente ourensán. Esta intensa e sonora comitiva iniciábase na Barreira rozando ás sete da tarde cando comezaba a tocar o Folión As Maceiras, tras el viñan os Arreiros (Petín), O Irrio (Castro Caldelas), Os Viticultores (Vilamartín), As Maceiras (Trives) e, pechando o desfile, Os Labregos (Trives).
O percorrido do desfile pasaba pola rúa san Martín, enfiando despois ata a praza do Pilón, seguindo pola zona vella da vila ata finalizar na praza do Reloxo. Este desfile, no que Protección Civil organizaba o tráfico, formaba parte do programa do “Entroido de Verán” organizado pola A.C. A Caniceira.
Fotos: Carlos G. Hervella.
