Igual que en moitas localidades ourensás, na parroquia da Pobra de Trives era o Domingo de Ramos a data de inicio da Semana Santa. Así, a conmemoración da entrada de Xesús en Xerusalén tiña lugar no mediodía do 13 de abril, coa tradicional bendición de ramos ao aire libre, diante da igrexa parroquial seguida da eucaristía.
A seguinte cita de referencia na capital da comarca trivesa é hoxe, Xoves Santo, coa eucaristía ás 17 horas e a Hora Santa a partir das 19 horas.
Con todo, o Venres Santo (18 de abril) será o día máis significativo desta festa cristiá en Trives. Os actos comezarán xa ás 11 horas co Viacrucis procesional; ás cinco da tarde terá lugar a Paixón do Señor e xa de noite, ás 22 horas, sairá a ceremonial procesión do Santo Enterro e da Soidade que percorrerá as rúas da vila da Pobra de Trives, alumeada con candeas e cirios, nun dos momentos máis solemnes e destacados da Paixón de Cristo na capital da comarca trivesa.
Máis información no “Especial Semana Santa” en papel do Periódico O SIL.
