Máis alá dos diferentes campionatos que celebran con motivo das festas (de Santa Rita, do Chao, do Cristo,…) o Club de Petanca Valdeorras organiza actividades e competicións para os socios.
Hai uns días celebran un torneo de tute e na tarde do luns 16 de setembro, último día das Festas do Cristo do Barco, tiña o II Campionato de Ra na sede do club, no Chao.
Participaban 21 persoas (homes e mulleres) resultando gañador o presidente do club, Gabriel Álvarez; Antonio Prada era o segundo clasificado e Benigno o terceiro.
A seguinte cita, a máis destacada en canto a participación e premios, será xa o VI Campionato de Petanca Festas do Cristo que celebrarán o vindeiro sábado 21 de setembro nas pistas do Chao, en horario de mañá e tarde.
Fotos: Mónica G. Bellver e cedidas.
