Tras a publicación onte no Boletín Oficial do Estado do “Real Decreto 926/2020, de 25 de outubro, polo que se declara o estado de alarma para conter a propagación de infeccións causadas polo SARS-CoV-2” está vixente en Galicia a restrición da mobilidade nocturna entre as 23h. e as 6h., sen embargo, esta franxa horaria podería modificarse en función do que decida o comité clínico de expertos sanitarios da comunidade galega.
Así o sinalaba o presidente da Xunta de Galicia, Alberto Núñez, este mediodía en rolda de prensa. “Adaptaremos esa franxa horaria dependendo do que nos diga a Comisión Clínica. Ímola reunir de forma inmediata, nas próximas horas, son máis de 30 persoas. En principio estaban convocadas para o martes, pero se é posible poderiamos facela hoxe”, dicía.