Celebraranse os días 23 e 24 de agosto e incluirán actuacións de charangas e orquestras
Cun pasarrúas na mañá do 23 de agosto a cargo da charanga Terras do Bibei comezarán en Trives as festas na honra de San Bartolomé. Esta celebración será organizada nesta ocasión por un grupo de catro mozos triveses “cargados de ilusión”. O programa continuará a partires das 23h. cunha verbena a cargo da orquestra Tango.
Xa o día 24, festivo local, está previsto un novo pasarrúas desta volta coa charanga Nova Terras de Trives e ás 21:30h. amenizará a verbena o Grupo Limón. Dende a comisión de festas anímase a achegarse ata a vila “para pasalo ben”.