A música de Guadi Galego envolvía na tardiña deste 10 de xullo a céntrica praza da Estación da vila da Rúa. Na súa actuación, incluída no ciclo “Xacobeo no Interior”, presentaba o disco “Costuras”, o seu quinto traballo en solitario.
Pero, ademais facía un repaso por temas dos seus anteriores traballos nun concerto “construído dende a emoción” e no que facía pasar ao público “por diferentes estadios, dende momentos un pouco íntimos ata momentos moi enérxicos e de moita alegría”, en palabras da propia artista, que se amosaba encantada de reencontrarse co público valdeorrés.
Fotos e vídeo: Carlos G. Hervella.
