O título foille concedido pola Asociación de Amigos del Castillo de Cornatel y su entorno
O científico valdeorrés Isidro García Tato vén de sumar un novo título ao seu dilatado curriculum. Na asemblea celebrada o pasado 14 de febreiro no concello de Priaranza del Bierzo (León), a Asociación de Amigos del Castillo de Cornatel y su entorno acordaba nomealo tenente de honra de 2016 “en recoñecemento á divulgación que fixo da fortaleza medieval nas súas publicacións e conferencias”.
García Tato é científico titular do Consello Superior de Investigaciones Científicas (CESIC), doutor en Filosofía e Teoloxía e Membro Mérito do Instituto de Estudos Valdeorreses.