Terá lugar os vindeiros 20 e 21 de agosto, no ximnasio do IES Xermán Ancochea Quevedo
O instrutor Javier Diéguez impartirá os vindeiros días 20 e 21 de agosto un curso de defensa persoal. Así, o horario será de 10:00 a 14:00 horas no ximnasio do IES Xermán Ancochea Quevedo da Pobra de Trives.
O instrutor fará un obradoiro especial sobre o uso do spray de defensa. Por esta razón, dende a organización recomendan que cada persoa leve un bote pequeno baleiro con difusor.
Cada persoa que se inscriba terá que doar un quilo de comida non perecedoira. Así, para inscribirse, os interesados deberán facelo nas Oficinas do Concello ou chamando ao 670 47 15 20.