No marco da xornada de conferencias “400 anos das Ermidas: Historia dun Santuario” que tiña lugar na tarde do sábado 25 de maio na capela do santuario, e de forma sorpresiva, o presidente da Confraría de As Ermitas, José Vega Martínez, era recoñecido por parte do vicario Xeral da Diócese de Astorga, Francisco Javier Gay Alcain, como Garda e Custodio do santuario.
O vicario de Pastoral, Manuel Carrasco, presente no evento en representación do Bispado, era o encargado de ler a acta na que en relación ao “servizo realizado por José Vega como guía e custodio no Santuario de Nosa Señora das Ermidas, así como a súa dispoñibilidade e ofrecemento para seguit realizando dito labor”, o vicario “reoñece e autoriza a súa tarefa como Guía-Custodio”, co desexo de que “continúe promovendo o coidado e a devoción á Nosa Señora das Ermidas en comuñión cos seus párrocos, José Antonio Crespo Franco e Francisco Requena García segundo as condicións establecidas por eles na solicitude, de modo que aquelas persoas que visiten o Santuario poidan venerar á Santísima Virxen María e coñecer o patrimonio que nel se conserva, testimonio da fe de moitos fieis durante os últimos catrocentos anos”.
Fotos: Mónica G. Bellver.
