La Habitación Roja actuará nas Festas do Cristo 2018

Moitos e moi variados son os ingredientes cos que se elaboraron as Festas do Cristo do Barco deste ano. Un programa que inclúe arte, moita arte, orquestras, teatro, maxia, deporte e varias actuacións musicais. Unha das máis destacadas será a dos valencianos La Habitación Roja que dentro da súa xira 2018 fará parada no Barco de Valdeorras na noite do sábado 15 de setembro.

Despois de celebrar por todo o alto o seu 20 aniversario, o grupo pop chegará a Valdeorras con novo disco no peto, Memoria, o seu 12º disco de estudo. A cita será a partires das 23h. na praia fluvial do Malecón.