Hoxe, 8 de setembro, é o día grande coa procesión pola mañá e a actuación da orquestra Gran Casino pola tarde e noite
Larouco está en festas. Hoxe e mañá, veciños e visitantes poderán desfrutar dos actos na honra á Virxe dos Remedios.
O programa abríase na mañá do 8 de setembro co pasarrúas do grupo de gaitas Edra. E xa pasado o mediodía, ás 13h. arrancaba a procesión coa imaxe da Virxe pola rúas do pobo co acompañamento musical da Escola de Gaitas da Deputación de Ourense, dirixida por Xosé Lois Foxo.
Hoxe, o baile estará amenizado pola orquestra Gran Casino que actuará en sesión de tarde e verbena. Mañá, 9 de setembro as festas continuarán coa orquestra Santiago que amenizará o baile en sesión de tarde e verbena.
Máis información na edición en papel do Periódico O Sil.
Fotos: Mónica G. Bellver
