Volven repuntar as cifras de casos activos de coronavirus na provincia de Ourense. Nesta xornada na Área Sanitaria de Ourense, Verín e O Barco rexístranse 522 pacientes con infección activa, 16 máis que onte, segundo os últimos datos da Consellería de Sanidade (actualizados ás 18h. do 23 de decembro). Dese total, 27 están hospitalizados en planta (3 máis que onte) e 4 na Unidade de Coidados Intensivos (os mesmos que onte). Baixan así mesmo os novos casos confirmados por PCR nas últimas 24 horas cun total de 34 (fronte aos 22 de onte).
No que se refire aos ingresos, o Hospital Público de Valdeorras ten 5 persoas hospitalizadas en planta (a mesma cifra que onte), mentres o Hospital de Verín baixa a 2 en planta (1 menos que onte), e o Hospital Universitario de Ourense rexistra 18 en planta (2 máis que onte) e 4 na Unidade de Coidados Intensivos (os mesmos que onte).
O total de casos rexistrados ata o de agora na provincia ascende a 8.277, con 7.446 curados e 308 falecidos (o último notificábase onte e tiña lugar no Hospital de Ourense). Polo de agora lévanse realizado 132.051 probas PCR e 66.920 probas serolóxicas.
