O grupo de versións e Danzalia poñían ritmo á noite do venres 16 de agosto
Na súa versión máis oitententeira conforme avanzaba a actuación, con versións de clásicos do rock e pop en español, Los Íñigos animaban a noite do venres no campo de San Roque, na Rúa Vella.
Xa houbo cine, teatro e cultos, pero era deste xeito, ao ritmo de cancións como Eva María ou Déjame, como a banda formada por músicos de Valdeorras e Terras de Trives abría o apartado musical das Festas de San Roque que se estenderán ata o martes día 20.
Trala sesión de pop e rock, collía o relevo Danzalia Disco Show pinchando ata altas horas da madrugada, e o programa continúa hoxe 17 de agosto co pasarrúas de Airiños de Portela, a Volta Ecolóxica (19h.) e o baile a cargo do grupo Samba que actuará en sesión de tarde e verbena.
Fotos: Mónica G. Bellver.
