Días antes de viaxar a Málaga para participar no campionato de España de karate sub21, Lucía Herrero Valcarce (KC River Stone do Barco) asegura que o daría todo, marcándose como obxectivo subir a podio pero tamén recoñecía que a situación sanitaria está facendo desta unha tempada moi peculiar e así quedaba demostrado, quedando ás portas do podio en kumite -55kg.
Contenta por ter podido disputar tres combates malia sentir molestias nunha cadeira, nun campionato de alto nivel, e sen case tempo de descansar desta competición, Lucía ten outra cita en Palma del Río (Córdoba), a onde foi convocada pola Federación Española de Karate para participar no proxecto mundial Concentración de Kumite Equipos Cadete/ Júnior/ Sub21 entre o 3 e o 6 de decembro.
A recepción dos deportistas seleccionados será mañá ás 20h. no Polideportivo Municipal de Palma, pero os adestramentos nos comezarán ata o día seguinte, en xornada de mañá e tarde. Para o sábado día 5 está programado o XI Torneo de Seleccións.
Máis información na edición de decembro de O Sil Deportivo.
