Entre o deportivo, o lúdico e o festivo se move o Madrugón, unha proba xa tradicional coa que se inicia cada ano o día grande das Festas do Cristo no Barco. Dende mozos ata maiores, tanto homes como mulleres, se dan cita nesta baixada a nado que parte dende as proximidades da Ponte de San Fernando e remata na praia fluvial do Malecón.
Desta volta houbo unha lixeira baixada de participantes con respecto a outros anos, pero si se vían caras novas na proba, que comezaba as oito da mañá e remataba cunha entrega de camisetas no Malecón e cunha chocolatada no Cafetín. Os ganadores foron Pablo Israel Rodríguez en categoría masculina (cunhas catorce vitorias seguidas), mentres que na feminina se impoñía, por sexto ano, Grit Hagen.
Fotos: Carlos G. Hervella