Chandrexa de QueixaConcellosSan Xoán de RíoÚltima hora

Manzaneda, Chandrexa e Río asinan coa Deputación un convenio de subministro de sal para as estradas

Saleiro do concello de San Xoán de Río.

 

De maneira conxunta os concellos de Manzaneda, Chandrexa de Queixa e San Xoán de Río veñen de asinar un convenio para o subministro de fundentes coa Deputación de Ourense, a través do cal, na primeira semana de 2021 toneladas de sal chegarán aos tres municipios para poder ser usadas na rede local de estradas. Ademais deste xeito preténdese mellorar a coordinación á hora de limpar as estradas e esparexer o sal.

“É imprescindible a coordinación entre administracións para que toda a rede viaria estea nas mellores condicións. Os nosos veciños non entenderían que nun mesmo concello unhas estradas estean en boas condicións e outras en malas en días de neve ou xeo porque corresponden a administracións distintas. A rede viaria ten que ser transparente para o usuario e que todos traballemos da man para evitar riscos nas estradas”, indica o alcalde de San Xoán de Río, Xosé Miguel Pérez.

 

Máquina quitaneves e saleiro da Deputación de Ourense.

Artigos relacionados

Back to top button