A primeira fin de semana do mes de agosto, celebrarase na Casa da Cultura de Viana do Bolo, a I mostra de teatro afeccionado que contará coa actuación de tres grupos: un de Viana, outro de Verín e un terceiro de Padrón.
O primeiro en subir ao escenario será o grupo La Caja de Pandora de Verín que acturá mañá venres día 1, coa obra “Perseguindo un soño” que narra a historia dun grupo de anciáns abandonados nunha residencia clandestina. Ao día seguinte, sábado día 2, tocaralle o turno ao grupo Xoré Teatro de Padrón que interpretará “O segredo de Uxía” que trata o tema do incesto. Pechando a mostra, o domingo día 3 Candea Teatro de Viana presentará a obra “Xulia e os Pérez” que fai unha reflexión sobre os malos tratos. As tres obras están dirixidas por Ramón Torrente García, psicopedagogo e mestre natural de Padrón.
As representacións serán a partires das 21:30h.
Máis información na edición en papel do Periódico O Sil
