Na mañá deste sábado 20 de xaneiro, a área recreativa do Aguillón, na Rúa acolle o Campionato Xunta de Galicia de Cros (XXVII Memorial Alejandro Lorenzo Cros S10- S12-S14 e XXXVI Cros Máster) no que están a participar máis de 600 corredores.
Organizado pola Federación Galega de Atletismo coa colaboración do Club Adas e o Concello da Rúa, o campionato está sendo controlado polo colexio de xuíces da Delegación Valdeorresa de Atletismo.
Os primeiros en competir, ás 10:15 horas, eran os participantes na categoría máster 35-40 masculino. Despois facíano as mulleres, seguindo co resto das categorías máster. As inferiores comezarán a partir das 12:15 horas.
A nivel de Valdeorras compiten membros do Club Atletismo Rúa (categoría base) e do Club Adas con representantes tanto na máster como na base.
Fotos e vídeo: Mónica G. Bellver excepto a última imaxe da galería que é cedida.