O alumnado de 2º da ESO do Colexio Plurilingüe Divina Pastora MM Franciscanas de Ourense convertíase por un día en Ecovixiantes para coñecer parte do patrimonio cultural, artístico e natural da provincia.
Acompañados polos profesores Jorge, Xián, Josiño e Gonzalo, coñeceron a Fortaleza de Monterrey, a igrexa e mosteiro de Bon Xesús de Trandeiras en Xinzo de Limia e a Torre da Pena en Sandiás.
“A viaxe é o desafío inicial dunha aprendizaxe baseada en proxectos chamado Guerreiro, monxa ou labrego, onde coñecerán os segredos da Idade Media”, explica Gonzalo.
Pola súa banda, o alumnado de Primeiro acudía a Cerceda (A Coruña) para coñecer as instalacións de Sogama. “Leti e Laura puxéronnos ao día sobre o que é un residuo e os diferentes contedores onde depositalos, sen esquecernos do Punto Limpo ou do Punto Sigre na farmacia”, contan dende o colexio.
Unha explicación virtual con lentes e uns xogos interactivos sobre as clásicas 3 Rs, xunto a unha visita polas instalacións, completaron a visita.
Fotos cedidas.
