Ata a cidade de Getafe se desprazaba esta fin de semana o atleta veterano valdeorrés Carlos López Gudiña (Andarines de Arcos) para participar na ’25 Media Maratón Ciudad de Getafe’ que contaba cuns 5.000 inscritos.
Carlos completaba os 21 km da carreira nun tempo de 01:54:35 polo que lle daban a medalla de finalista, logrando o posto 2.828 da xeral e o 41 (de 88) na súa categoría (+60).
Tal como el mesmo di “non se pode parar” e xa está pensando na ‘Media Maratón da Coruña’ dentro de quince días, orgulloso de “levar o nome do meu pobo e do concello por todos lados, así como a cegoña, a mascota dos Andarines de Arcos, dentro da bandeira galega”.
Fotos cedidas.
