Aproveitando que esta semana foron as Candeas, festividade de inverno de Córgomo (Vilamartín de Valdeorras), as Letras de Florencio estrean unha ruta deseñada para coñecer mellor a aldea que tanto inspirou ao poeta.
Baixo o nome de ‘Ruada con Florencio polas Candeas’, este domingo 6 de febreiro a visita estará guiada por Fernando Santalla, veciño de Córgomo e familiar do autor, que “nos axudará a mirar cos ollos do Florencio máis mozo, descubríndonos episodios históricos e outros persoeiros da aldea”, adiantan dende a organización.
A ruta partirá ás 16:30 horas na praza da Casa do Pobo de Córgomo e non é preciso realizar inscrición previa.