Da man do Club Kick Boxing Valdeorras este sábado 26 de novembro celebrarase no Barco un seminario de deportes de contacto.
Impartido por dous campións de Europa, o berciano Diego Vázquez e o portugués Miguel Trindade, desenvolverase de 11 a 13 horas no pavillón vello contando coa asitencia de socios do club que adestran no Centro Deportivo Valsport e tamén de non socios.
“No cursiño tocaranse varias disciplinas como boxeo, K1, kick boxing e muaythai”, explica Juan J. Pardo, presidente do club, lembrando que tanto Miguel como Diego son dous grandes profesionais. “Diego tamén foi campión de Europa profesional e ten un gran currículo como adestrador, pasando polas súas mans campións de Europa e do mundo”.
