Seis anos despois da XII edición do Trofeo ArcoBarco de Sala, a competición regresará ao Barco por todo o alto. Tal como veñen de informar dende o club barquense, na fin de semana do 16 e 17 de decembro celebrarase no Barco de Valdeorras o Campionato Galego de Tiro con Arco en todas as categorías.
Así se decidía na úlltima asemblea da Federación Galega de Tiro con Arco “onde se concedía ao Club ArcoBarco e ao Concello a súa organización”, asegura o vicepresidente do club, Martín Gómez.