Na mañá do vindeiro domingo 19 de xaneiro o barquense Leo Pérez Pereira volverá a competición. Ten previsto partipar na segunda proba do campionato social de inverno de karting Cabañas Raras, no Bierzo. Tomará a saída dentro da categoría alevín e ademais farao con especial ilusión xa que estreará kart, en concreto un Kart Republic.
Coma en anteriores ocasións, irá a polo podio. E ten posibilidades. De feito na primeira cita desta competición, o pasado outono, quedaba terceiro.
Nesta competición, con diversas categorías, teñen previsto participar máis de 80 pilotos de diferentes puntos de España e tamén de Portugal.