Moi positiva foi esta ponte de decembro para o CD Barco, con dúas importantes vitorias nos dous partidos disputados.
O venres vencía 0-9 ao Sporting Vilamarín en oitavos de final da XLIV Copa Deputación de Ourense, selando o pase a oitavos; e na tarde deste domingo 8 de decembro vencía 2-0 ao Portonovo SD no campo barquense de Calabagueiros.
Coa moral alta trala goleada en Vilamarín, os rapaces de Lino Estévez saltaban ao terreo de xogo (que non está en condicións óptimas con moitas calvas no céspede), dispostos a volver á senda da vitoria na liga pero habería que esperar ata o minuto 42 para que Brian Bailon marcase o primeiro gol da tarde, favorable para os vermellos. O segundo gol non chegaba ata o final da segunda parte, no 90′ da man de Sidibé.
Con este resultado o CD Barco mantense no segundo posto da clasificación, a 3 puntos do líder. O seguinte partido será no campo do Pontevedra B.
Fotos e vídeo: Mónica G. Bellver.
