Non pudo ser. Malia adiantarse no marcador o CD Córgomo Vilamartín acababa perdendo no partido disputado na tarde deste domingo 10 de novembro contra o Sporting Celanova.
Tralo empate a ceros no campo da Uceira contra o Sporting Carballiño, os de David Pérez saltaban ao terreo de xogo, no campo vilamartinés do Bañadoiro, dispostos a levarse os puntos en xogo pero non o conseguían caendo 1-3. Diego López adiantaba aos locais co primeiro gol da tarde no minuto 21 pero no 30′ empataba o Celanova chegando ao descanso co 1-1 no marcador. Tralo poso polo vestiario, os visitantes volvían marcar, no 48′ (de penalti) e no 86′ sentenciando o encontro.
Con este resultado os verdibrancos sitúanse no posto 12 con outros tantos puntos. O seguinte partido será en Cartelle.
Fotos: O SIL.
