Coa homenaxe a Miguel González ‘MGL46’ no cartel, o CD Córgomo Vilamartín xa deixaba claro que no partido ante o Antela FC “B” amosarían o seu apoio á Carreira das Cidades contra o Cancro de Páncreas de Vilamartín. Un apoio que ratificaban lucindo as camisetas desta edición da carreira solidaria, antes do encontro disputado na tarde deste sábado 12 de novembro no Campiño de Viloira (O Barco).
Nas bancadas e a pé de campo, coma sempre estaban os fieis seguidores do conxunto valdeorrés fundado este ano e, con respecto ao resultado, o conxunto que adestra Jesús Álvarez perdía 0-3, sumando a terceira derrota no que vai de liga e situándose no terceiro posto da clasificación en Segunda Galicia, a dous puntos do líder e un partido menos.
Fotos: Carlos G. Hervella.
