Baixo os efectos da borrasca, cunha intensa chuvia e forte vento se disputaba o partido entre o CD Córgomo Vilamartín e o Antela B correspondente á xornada 20ª de Segunda Galicia. Un encontro sobre o céspede do Campiño de Viloira (O Barco) que se resolvía co 2-0 favorable aos locais que seguen sumando na cabeza da clasificación.
O primeiro gol dos verdibrancos de David Pérez era obra de Daniel Real no minuto 16 e o segundo xa no 48′ marcábao Jonathan Vega.
Con este resultado, os valdeorreses que aínda non puderon xogar no seu propio campo, no Bañadoiro (Vilamartín) suman a cuarta vitoria consecutiva mantendo o pulso na loita polo ascenso. A seguinte cita será en Oira (Ourense) contra o CD La Purísima.
Fotos: Mónica G. Bellver.
