Nas últimas horas veñen de producirse en Galicia tres novos falecementos de persoas que foran diagnosticadas por coronavirus, dous deles na provincia de Ourense. Trátase dunha muller de 84 anos e dun home de 88 anos, que estaban ingresados no Complexo Hospitalario Universitario de Ourense (CHUO), segundo confirma a Consellería de Sanidade. Ambos tiñan patoloxías previas.
Ademais falecía un home de 77 anos que estaba ingresado no Complexo Hospitalario Universitario da Coruña (CHUAC), que tamén tiña patoloxías previas.
