A cidade de Ourense acollerá durante o mes de agosto, tres sesións de cine de verán a cargo do Cineclube Padre Feijóo. As proxeccións serán os luns, 10, 17 e 24 deste mes, ás 21:30h e con acceso gratuíto. O aforo estará limitado e as localidades terán a separación necesaria para manter a distancia social derivada da pandemia do coronavirus. O uso de mascarilla será obrigatorio.
A primeira película será “O Noviño Frankenstein”, de Mel Brooks, o día 10 na Asociación Andén Primeiro (Av. Marín, 23) na Ponte. As seguintes citas serán na Praza da República, o día 17 con “Conta Comigo”, de Rob Reiner e o día 24 con “Colle os Cartos e Lisca”, de Woody Allen. Todos os filmes se proxectarán en idioma orixinal subtitulado.
