Os ganadores do I Concurso de Debuxo do Clúster da Pizarra de Galicia veñen de recibir os seus premios da man do xerente desta entidade, Severino González, nesta maña de venres 31 de xaneiro, nun acto celebrado en Sobradelo (Carballeda de Valdeorras).
O traballo ganador foi o presentado por Sandra Mallo, alumna de 1º da ESO do I.E.S Martaguisela do Barco, que recibía un premio de 300 euros. Ademais Kevin Fernández, estudante de 1º da ESO do
C.P.I. Tomás Terrón Mendaña de Sobradelo de Valdeorras, facíase co segundo premio (150 euros) e Jorge Juan Gutiérrez, alumno de 3º da ESO nese mesmo centro, co terceiro premio de 50 euros.
Este concurso, celebrado en decembro e dirixido a escolares da comarca, busca “pór en valor a relevancia da lousa como material construtivo e como motor económico da zona”, segundo o Clúster. Presentábanse uns 50 traballos, o que “evidencia o interese suscitado”, segundo Severino González.
