Ante a situación de emerxencia sanitaria e a desescalada prevista para hoxe 26 de abril, día en que os menores de 14 anos poden saír a dar un paseo de non máis de 1 hora e nun radio de 1 quilómetro como máximo, dende o domicilio e acompañados por un dos seus proxenitores, o alcalde de Barbadás emitía un bando con recomendacións.
A primeira, dado que o período no que os nenos poden saír é de 9 a 21h. é que os menores que viven en números pares saian a dar o paseo en horas pares, mentres que os menores que residen en números impares o fagan en horas tamén impares.
Dende o Concello tamén recomendan que tanto os menores como os adultos que os acompañen, vaian protexidos con mascarilla, respectando as distancias de seguridade. “Apelo á responsabilidade da veciñanza á hora de realizar os pedidos”, conclúe o alcalde Xosé Carlos Valcárcel, no bando.
