Neste tempo de crise sanitaria e económica toda axuda e pouca. Por iso, dende o Concello de Petín están especialmente agradecidos pola doazón que na mañá deste mércores 6 maio, lle facía a Adega Terriña.
A enóloga, Lucía Carballeira era a encargada de entregar á alcaldesa Raquel Carballo, un total de 2.000 mascarillas cirúrxicas para os veciños do concello que serán repartidas polos voluntarios de Protección Civil.
Tal como explica a propia alcaldesa, ata o momento da Xunta recibiron 650 mascarillas que tamén foron repartidas por Protección Civil, co cal a doazón desta empresa é “moi importante e necesaria para o noso concello”, polo que lles dá as grazas no nome de todos veciños a Javier Méndez e o seu fillo Juan Luis Méndez, responsables da adega con sede en Carballal.
Fotos cedidas.
