O Concello de Xinzo, vén de emitir a través das redes sociais, un vídeo coral pedindo á poboación “coidado fronte á pandemia durante a que debería ser a fin de semana forte do Entroido, que este ano foi suspendido”.
No vídeo, dirixido a todo a poboación pero especialmente ás persoas novas, participan maioritariamente profesores dos centros públicos do municipio, así como do conservatorio. Tamén persoal sanitario, policía local, protección civil e garda civil, así como membros do goberno local.
Todos unen as súas voces para lembrar que “o Entroido volve, pero a vida non”; e que “este ano o único importante e coidarse e protexerse fronte á pandemia”.
