Dobre actuación do Coro de Santa Rita do Barco na xornada do vindeiro sábado 17 de decembro. Así ás 18h. esta formación musical, que dirixe Silvina Bravo, ten previsto abrir o 23º Certame de Villancicos de Ponferrada, que promoven a Peña de Villanueva e o Concello. Este evento celebrarase na Basílica de Ponferrada e nel tomarán parte unha decena de corais. “Imos sempre a este certame, menos no caso do ano da pandemia”, explican dende este coro.
Ese mesmo día, a partir das 19h., o Coro de Santa Rita será unha das agrupacións musicais participantes no concerto de panxoliñas da parroquia do Barco.
