Aínda queda case un mes por diante, pero dende o Consello Regulador da Denominación de Orixe Valdeorras vanse concretando os últimos flecos da organización da XVII Feira do Viño de Valdeorras, que se desenvolverá os días 12 e 13 de xullo na praza barquense de Andrés de Prada.
Así o pleno aprobaba, entre outros puntos, as bases que rexirán a XV Cata da Feira do Viño, na que estarán presentes os viños participantes na mostra. Tamén se decidían os prezos do cataviños na feira, cuxo custe será de 1,50 euros, e o das degustacións, por cada unha das cales haberá que abonar 0,75 euros.
Ao longo dos vindeiros días o consello regulador valdeorrés proseguirá coas presentacións desta mostra vitivinícola polas provincias galegas. Tras o acto de Coruña, o día 12 de xuño presentarase en Lugo, contando coa presenza da sumiller Mercedes González, e posteriormente en Vigo e en Ourense.
Máis información na vindeira edición en papel do Periódico O Sil
