Na mañá deste xoves 8 de outubro celebrábase na sede da Asemblea Comarcal de Cruz Vermella en Valdeorras a primeira Mesa de Diálogo Empresarial organizada trala pandemia que xirou en torno ao emprego, un dos grandes retos aos que se enfronta a sociedade, e unha das liñas estratéxicas do Plan Cruz Vermella Responde fronte ao Covid-19.
Tal como explican dende Cruz Vermella, esta mesa tratou de crear un espazo de intercambio de reflexións e opinóns para coñecer de primeira man a realidade do actual mercado de traballo da comarca, así como “distinguir as novas necesidades ou as adaptacións detectadas polas empresas durante este tempo”. Outro dos obxectivos era “identificar aqueles perfís que serán necesarios na época post Covid-19, co fin de avanzar no traballo levado a cabo polos proxectos de empreg de Cruz Vermella en Valdeorras”.
