Ás dez e media en punto da noite deste xoves 14 de setembro comezaba un dos momentos máis agardados cada ano nas Festas do Cristo do Barco: a tirada de fogos artificiais. As beiras do río Sil enchíanse de persoas que buscaban o mellor lugar para seguir este espectáculo pirotécnico, que enchía de luz e cor a noite da data central destas festas na vila.
Eran vinte intensos minutos nos que o ceo nocturno se tinguía de multitude de cores e formas, que se reflexaban nas augas do Sil para desfrute de veciñanza e visitantes. Remataban coas tradicionais bombas que marcaban a despedida dos fogos, entre aplausos, ata o vindeiro Cristo, o do 2024.
Fotos: A.R.
Vídeos: Mónica G. Bellver.