Un día máis, repítense as cifras de pacientes ingresados con coronavirus no Hospital de Valdeorras. Son cinco persoas as que continúan hospitalizadas en planta no centro barquense, segundo a última actualización de datos da Consellería de Sanidade.
O Hospital de Verín rexistra un ingreso, mentres que no Hospital Universitario de Ourense son 14 os pacientes ingresados en planta (3 menos que onte) e 2 en UCI (estes dous últimos con prognóstico grave).
Dos 160 casos activos hoxe na Área Sanitaria de Ourense, Verín e O Barco de Valdeorras, 139 permanecen a seguemento a domicilio, 20 están ingresados en planta e 2 en UCI, segundo Sanidade.
O total de casos rexistrados na provincia ascende a 1.979, con 1.690 curados e 129 falecementos (residencias e hospitais). Na provincia lévanse realizado 19.033 probas PCR.
