A curva do Covid-19 mantense á baixa na provincia. A Área Sanitaria de Ourense, Verín e O Barco conta con 1.312 pacientes con infección activa, 123 menos que onte, segundo os últimos datos, actualizados ás 18h. do 13 de febreiro, e publicados esta mañá pola Consellería de Sanidade. Os novos casos confirmados por PCR nas últimas 24 horas son un total de 34.
Ademais nesta xornada volven baixar os ingresos, hai 108 persoas hospitalizados en planta e 13 na Unidade de Coidados Intensivos (os mesmos que onte). O Hospital de Valdeorras rexistra 8 ingresos de pacientes en planta, o que supón 2 menos que onte; mentres o Hospital de Verín ten 6 ingresos e o Hospital Universitario de Ourense ten 91 en planta e 12 na Unidade de Coidados Intensivos. Finalmente, a Clínica Santa Teresa ten 1 ingreso en planta e outro en UCI e o Centro Médico El Carmen 2 en planta.
O total de casos rexistrados ata o de agora na provincia ascende a 14.287, con 12.582 curados e 393 falecidos (Sanidade notificaba onte 1 novo falecemento). Polo de agora lévanse realizado 195.929 probas PCR e 96.524 probas serolóxicas.
