A tendencia á alza mantense nos ingresos por Covid-19 no Hospital Público de Valdeorras. Así, segundo os últimos datos facilitados pola Consellería de Sanidade (actualizados ás 18h. do 12 de novembro) o centro barquense rexistra 11 ingresos en planta, un máis que onte.
No que respecta aos outros dous hospitais públicos da provincia, no Hospital de Verín mantéñense 5 ingresos en planta e o Hospital Universitario de Ourense ten 58 (4 menos que onte) e 16 na Unidade de Coidados Intensivos (1 máis que onte).
874 casos activos na provincia de Ourense, 6 menos que onte
Aínda que de forma máis lixeira que na xornada de onte, os casos activos de coronavirus na Área Sanitaria de Ourense, Verín e O Barco, seguen baixando. Así, segundo segundo a última actualización de datos da Consellería de Sanidade hai 874 casos activos, o que supón 6 menos que onte. Deles, 74 están hospitalizados en planta (3 menos que onte) e 16 en UCI (1 máis que onte). Máis notable é o descenso nos novos casos confirmados por PCR nas últimas 24 horas, un total de 34 (fronte aos 41 de onte).
O total de casos rexistrados na provincia ascende a 7.030, con 5.891 curados e 264 falecidos. Polo de agora lévanse realizado 103.576 probas PCR.
Galicia rexistra 9.532 casos, 32 menos que onte
O número de casos activos de coronavirus en Galicia baixa lixeiramente con respecto a onte e sitúase en 9.532 (32 menos) .Deles 1.840 son da área da Coruña, 1.053 da de Lugo, 874 da de Ourense, 1.270 da de Pontevedra, 2.450 da área de Vigo, 1.130 da de Santiago, e 915 da de Ferrol.
Do total de pacientes positivos, 96 están en UCI, 494 en unidades de hospitalización e 8.942 no domicilio. Polo de agora, en Galicia hai un total de 33.624 persoas curadas, rexistrándose 1.046 falecementos. O número de PCR realizadas é de 780.668.
