
Petín ultima os preparativos para o IV Mercadiño do Nadal que abrirá as portas esta fin de semana no pavillón do Teleclub.
Outros anos era dos primeiros pero nesta ocasión será o encargado de pechar o ano (xa tiveron o seu mercadiño outros concellos da comarca) e contará cunha trintena de postos, de queixos, artigos de segunda man, elaboración de pizzas, artigos de madeira,… “un pouco de todo coma sempre”, asegura a alcaldesa Raquel Bautista.
O horario para visitar o mercadiño e mercar será o sábado 28 de decembro de 16:30 a 22 horas e o domingo 29, de 11 a 21 horas.