O Centro Cultural “Marcos Valcárcel” celebrará o vindeiro xoves, 18 de maio a partir das 19:00 horas, o Día Internacional dos Museos con actividades artísticas en vivo, iniciativa na que tamén participará a Galería de Arte Visol.
Desta modo, ofrecerán unha xornada onde os cidadáns poderán presenciar de maneira gratuíta como traballan distintos artistas, con técnicas tamén diferentes. Manuel Penín, Isabel Seidel, Mariano Ortega, Masakazu Shida, Wes e varios alumnos da Escola de Artes e Oficios da Deputación realizarán traballos en directo de pintura, debuxo, escultura en barro e madeira ou aerografía no Centro Cultural.
Na galería Visol poderán ver a creadores como Sula Repani, Poldras, Miguel Karballo, Vilamoure, Ehlaba, Luis Estévez, Juan Valcárcel, Tareixa Taboada ou Luis de las Cuevas despregar diferentes técnicas artísticas ante os visitantes.
Os dous espazos completarán a súa oferta con música. Na galería Visol será Daniel Soldevilla o que actuará en directo e no Centro Cultural “Marcos Valcárcel” o espazo musical estará ocupado polo D.J. Mike Wass.
Cada ano,todos os museos do mundo están convidados a participar no DIM para promover o rol dos museos creando actividades únicas, divertidas e gratuítas en torno a un tema elixido pola comunidade. Este ano o tema é: “Museos e historias controvertidas. Decir o indecible en museos”.
