Era investido como rexedor cos 4 votos a favor do BNG e co respaldo dos tres edís do partido socialista, mentres que os 4 concelleiros do PP votaban en contra
Viana do Bolo terá por segunda lexislatura consecutiva alcalde nacionalista. Secundino Fernández vén de ser reelixido no cargo na sesión plenaria que se celebraba neste mediodía. Nela o candidato do BNG contaba co respaldo dos 4 edís nacionalistas, así como cos tres do partido socialista, mentres que os catro do PP votaban en contra.
Nas súas primeiras palabras tras ser investido alcalde, Secundino Fernández expresaba o seu agradecementos aos veciños que os respaldaron, á familia e tamén ao partido socialista polo seu respaldo. Amosaba ademais a súa vontade de seguir traballando por Viana e polas súas aldeas, nomeándoas a todas.
Fotos: Fernando Santalla.
